यो फलफूलको राजा आँपको सिजन हो,यसका फाइदाहरु के-के छन् त ?

   

आँप नेपालमा परापूर्व काल देखि खेती गरिदै आएको स्वादिष्ट, विश्व प्रसिद्ध तथा अत्यन्तै पौष्टिक तत्व यूक्त फल हो । काँचो वा पाकेको दुबै खालको आपमा औषधीय गुण हुन्छ । आँपको बोक्रा, जरा पात, फल, फूल सबै औषधीका लागि प्रयोग हुने आयुर्बेदमा  बताउँछ । हुन त आापको पाक्ने सिजन असार अन्तिमदेखि साउन–भदौसम्म हो तर नेपाली बजारमा भने बैशाखको शुरुदेखि नै आापले कृषि बजार पहेंलै बनाउन थाल्छ । सिजनभन्दा अगाडि नै पाइने फलफूल किन्नेको तााती पनि लामो नै देखिन्छ । आफूले किनेर खानेभन्दा पनि आफन्त सत्कारमा वा बिरामी भेट्न जादा कोशेलीस्वरुप फलफूल लाने चलन हाम्रो समाजमा बढी छ । 

   

  आँपको फाइदाहरु यस्ता छन् :-

१ आँप एन्टिअक्सिडेन्टयुक्त हुन्छ, जसले स्तन क्यान्सर, प्रोस्टेट क्यान्सर कोलोन क्यान्सर तथा ल्युकेमियाबाट बचाउँछ ।

 

२. यसमा हुने भिटामिन ए र रेटिनोलले आँखाको शक्ति बढाउछ ।

 ३. आँपमा हुने फाइबर र भिटामिन सीको प्रचूर मात्राले लिपो प्रोटिनको कम उपस्थितिलाई घटाउन मद्दत गर्छ, जसबाट कोलेस्टेरोलको मात्रा घट्छ ।

 ४.मानव शरीरमा अल्कालाइनलाई सन्तुलित राख्न मद्दत गर्छ, किनभने यसमा मालिक एसिड, टार्टारिक एसिड तथा राम्रो मात्रामा साइट्रिक एसिड हुन्छ । 

५. आँपले पाचनशक्तिलाई राम्रो बनाउँछ, किनभने यसमा फाइबर उल्लेख्य मात्रामा हुन्छ । फाइबरले दिसा राम्रो हुन्छ र मेटाबोलिक दरलाई वृद्धि गर्छ ।

 ६. आँपमा २५ प्रकारका क्यारोटेनोइड्स हुन्छन् र तिनीहरुमा उच्च मात्रामा भिटामिन सी हुने हुनाले शरीरलाई रोग प्रतिरोधी बनाउन मद्दत गर्छ ।

 ७. आँपमा एन्टिअक्सिडेन्ट हुनाले कोषलाई पुनर्जीवन दिन तथा पुनर्निर्माण गर्न मद्दत गर्छ । यसले छालालाई भित्रैबाट रासायनिक पदार्थको असरबाट जोगाउँछ ।

 ८. आँँप फोलेट र फोलिक एसिडयुक्त हुन्छ, जसले प्रजनन क्षमता बढाउन मद्दत गर्छ ।

 ९. आँपमा कपर, सेलेनियम, जिंक तथा पोटासियम हुन्छ, जुन मानव स्वास्थ्यका लागि आवश्यक हुन्छ । यस्ता खनिजको अभावमा मानिसमा विभिन्न स्वास्थ्य समस्या देखापर्छन् ।

 १०.आँपमा हुने भिटामिन ईले मानिसमा यौनक्षमता बढाउन मद्दत गर्छ । यसले कोलेस्टेरोल घटाउन र मधुमेह रोक्न मद्दत गर्छ । आँपले रगतमा हुने घातक होमोसिस्टाइन तहलाई नियन्त्रण गरी हृदयाघात हुनबाट बचाउँछ । होमोसिस्टाइनले रक्तनलीलाई अवरुद्ध गर्न सक्छ र हृदयाघात हुने सम्भावना हुन्छ । 

११. आँपले छालाका लागि निकै राम्रो गर्छ, छालामा भएका काला धब्बा तथा दाग हटाउँछ र प्राकृतिक चमक ल्याउँछ । आँपमा हुने भिटामिन ए र बेटा क्यारोटिनले छाला पुनर्निर्माण गर्छ ।

 १२. आँपले शरीरका अंगमा भएका काला रौँका अंश हटाउन पनि मद्दत गर्छ । यसका लागि एक चम्चा आँपको गुदी, आधा चम्चा दूध या मह मिसाएर मिश्रण तयार पार्नुपर्छ । यसलाई गोलो तरिकाले सम्बन्धित ठाउँमा लगाउनुपर्छ । यसले मरेको छाला तथा उम्रिएका रौँ हटाई अनुहारमा चमक ल्याउँछ । 

१३. आँपले क्यान्सर गराउन सक्ने धुलोका खतरनाक कणबाट छालालाई जोगाउँछ । यसमा भएका भिटाभिन सीले डण्डीफोर आउन दिँदैन । यसलाई प्रत्यक्ष लगाउने हो भने प्राकृतिक मोस्चराइजरको काम गर्छ । यस्तै, यसलाई फेसवासको रूपमा पनि प्रयोग गर्न सकिन्छ । एक चम्चा आँपको गुदी र बदामको पाउडरमा एक टेबल चम्चा दूध मिसाएर पेस्ट बनाउनुस् र अनुहारमा लगाउनुस् । २० मिनेटपछि धँुदा अनुहारमा चमक आउँछ । 

१४. भिटामिन र खनिजयुक्त भएकाले यसले कपालको वृद्धिमा पनि लाभदायी हुन्छ । यसले कन्डिसनरको पनि काम गर्छ । यसमा हुने भिटामिन एले चायाँ हटाउँछ र कपालमा चमक ल्याउँछ । 

स्वास्थ्यखबर पत्रिका बाट साभार