केही दिनदेखि बढेको गर्मीले जनजीवन प्रभावित

केही दिनदेखि बढेको गर्मी र तातो हावाका कारण जनजीवन प्रभावित भएको छ ।

गर्मी अत्यधिक बढेपछि बजारमा चहलपहल निकै घटेको छ । गर्मीका कारण अत्यावश्यक कामबाहेक सर्वसाधारण बाहिर निस्कन सकेका छैनन् । सहर तथा चोकमा दिउँसो चहलपहल घटेको छ । गर्मीले विशेष गरी मजदुरी गरी खाने वर्ग बढी समस्यामा परेको छ । साना बालबालिका तथा वृद्धवृद्धालाई गर्मीले बढी असर गरेको छ ।बढ्दो गर्मीकै कारण विभिन्न रोगका सङ्क्रमण बढेपछि अस्पतालमा बिरामीको भीड लागेको छ । झाडापखाला, आउँ, ज्वरो, टाइफाइड तथा कमलपित्तका बिरामीको सङ्ख्या बढेको सरकारी तथा निजी अस्पतालले जनाएका छन् ।

गर्मी मौषममा आंखाको समस्या बढी हुने भएकाले घाममा हिड्दा कालो चस्माको प्रयोग गर्न डाक्टरहरुले सुझाव दिएका छन् । सर्वसाधरणले हेलचेक्राई गरेकाले आंखाको समस्या बढी भएको उनको तर्क छ । घाममा हिड्दा धुलो र धुवावाट बच्न उनको आग्रह छ ।