चितवन मेडिकल कलेज (CMC) शिक्षण अस्पतालमा ‘ओपन हार्ट सर्जरी’ सेवा सुरु भएको छ ।
अस्पतालमा मुटुको ‘माइट्रलभल्भ’ बिग्रिएको मंगलपुर चितवनकी ५५ वर्षीया सत्यदेवी श्रेष्ठको पहिलो सर्जरी भएको छ ।कार्डियाक सर्जन डा. भगवान कोइरालाको टोलीले २ घण्टा २० मिनेट लगाएर शल्यक्रिया गरेको हो ।
कार्डियाक सर्जन नविन गौतमका अनुसार बाल्यकालमा भएको बाथ मुटुरोगका कारण श्रेष्ठको भल्भ बिग्रिएकोे थियो । उनको एउटा भल्भ फेरिएको छ भने अर्को ‘ट्राइकस्पिड भल्भ’को मर्मत गरिएको डा.गौतमले बताए । मुटुमा ४ वटा भल्भ हुन्छन् । सर्जरीपछि बिरामीको अवस्था सामान्य रहेको अस्पतालले जनाएको छ ।
काठमाडौ बाहिर भएको यो तेस्रो ओपन हार्ट सर्जरी हो ,मेडिकल कलेजका अध्यक्ष डा. हरिश न्यौपानेले ओपन हार्ट सर्जरी नियमित गरिने बताएका छन् । ‘यो सेवाले चितवन जिल्ला मेडिकल सिटी बन्न अर्को इटा थपिएको छ’, डा. न्यौपानेले भने, ‘यो सेवाले पश्चिम क्षेत्रका मुटुरोगीलाई काठमाडौं जानुपर्ने बाध्यताको अन्त्य गरेको पनि छ ।’
No comments:
Post a Comment