-जय पाठक (जेपी)
चितवन । चितवनस्थित भरतपुर केन्द्रीय अस्पतालको सूचना अधिकारीको जिम्मेवारी पुनः लीलाधर पौडेललाई दिइएको छ । सोही अस्पतालमा कार्यरत पौडेललाई सो जिम्मेवारी दिईएको अस्पतालका प्रमुख मेडिकल सुपरिटेण्डेन्ट डा. रोशन न्यौपानेले जानकारी दिए ।
डा. न्यौपानेका अनुसार सूचनाको हक सम्बन्धी ऐन, २०६४ को दफा ६ मा भएको व्यवस्था अनुसार अस्पतालको सूचना प्रवाह गर्ने प्रयोजनको लागि उनलाई अर्को व्यवस्था नहुँदासम्मको लागि सो जिम्मेवारी तोकिएको हो । सूचना अधिकारीको लागि मोवाईल नं. ९८५५०९२२८० व्यवस्था गरिएको छ ।
पौडेललाई सूचना अधिकारीको कामकाज गर्दा अस्पतालको प्रवक्तासँग समेत समन्वय गर्न अनुरोध गरिएको छ । अहिले सोही अस्पतालमा कार्यरत वरिष्ठ बालरोग विशेषज्ञ डा. युवानिधि बसौला अस्पतालका प्रवक्ता रहेका छन् ।
यसअघि डा. वासुदेव पाण्डेको पालामा सोही अस्पतालमा कार्यरत शाखा अधिकृत कृष्ण प्रसाद गौतमलाई सूचना अधिकारीको जिम्मेवारी दिईएको थियो । गौतम भन्दाअघि पनि अस्पतालको सुचना अधिकारीमा डेढ वर्ष भन्दा लामो समयदेखि पौडेल नै रहेका थिए । उनले पहिलो चरणको कोरोना कहरकाबीच आफ्नो जिम्मेवारी कुशलता पूर्वक सम्हालेका थिए ।
- पाठक हेल्थ खबर -स्वास्थ्य सम्बन्धी सम्पूर्ण खबर ( A single CLICK for a complete solution )
No comments:
Post a Comment