विपन्न परिवारका लागि अनन्त आशा नेपालको नि:शुल्क स्वास्थ्य शिविर ।

      २०७५  बैशाख १९ ( बुधवार ) चितवन / अनन्त आशा नेपालको आयोजनामा मंगलवार  एक दिने नि:शुल्क स्वास्थ्य  शिविर सम्पन्न भएको छ । रोजीरोटीका लागि विभिन्न ठाउँबाट नारायणगढ र भरतपुर क्षेत्रमा बसेका विपन्न परिवारका लागि एकदिने नि : शुल्क स्वास्थ्य शिविर भरतपुरमा आयोजना गरिएको हो । 

     स्वास्थ्य शिविरको भरतपुर महानगरपालिकाकी उपमेयर पार्वती शाहाले उद्घाटन गर्नुभएको थियो । उद्घाटन समारोहमा बोल्दै उपमेयर शाहाले महानगर क्षेत्रको समग्र विकासमा यो संस्थाले महत्वपूर्ण भूमिका खेलेको भन्दै प्रशंसा व्यक्त गर्नुभयो । आगामी दिनमा पनि यस्तै खालको सहयोग संस्थावाट महानगरले पाउने विश्वास व्यक्त गर्नुभयो । स्वास्थ्य देखि शैक्षिक क्षेत्रमा यो संस्थाले गर्दै आएको काम प्रशंसा योग्य भएको टिप्पणी समेत गर्नुभयो ।

     चितवन उच्च माध्यमिक विद्यालयको परिसरमा आयोजना गरिएको कार्यक्रममा  बालरोग विशेषज्ञ डा. डिसुजा शाक्य तथा छालारोग विशेषज्ञ डा. अच्युत पोखरेल लगायतको विशेषज्ञहरुको टोलीले स्वास्थ्य परीक्षण गरेको संस्थाका उपाध्यक्ष प्रदीपकुमार चौधरीले जानकारी दिनुभयो ।

     शिविरमा विद्यार्थीहरु, पिछडिएको समुदायका बालबालिकाहरुको स्वास्थ्य परीक्षण तथा परिवारका सदस्यहरुको निशुल्क मधुमेह जाँच गरिएको थियो । उक्त शिविरमा भरतपुर र नारायणगढ क्षेत्रका २ सय २५ जनाले स्वास्थ्य परीक्षण गराएका छन् । स्वास्थ्य परीक्षण सँगै औषधी वितरण, बल्ड ग्रुपीङ, सुगर जाँच गरिएको सँस्थाका उपाध्यक्ष चौधरीले पाठक हेल्थ खबरलाई जानकारी दिनु भयो । ।

      सुगर तथा बल्ड ग्रूपीङ कार्यक्रम सिड मेडिकल ल्याबराेटरिजकाे सहयाेगमा भएको थियोे भने निःशुुल्क अाैषधी टाइम फर्मासियुटिकस् कम्पनीले उपलब्ध गराइएको थियो ।

  

नि:शुल्क स्वास्थ्य  शिविरको  फोटो फिचर  :

•  पाठक हेल्थ खबर -स्वास्थ्य सम्बन्धी सम्पूर्ण खबर ( A single CLICK for a complete solution )