लक्की मिडिया हाउसले दोस्रो बार्षिकोत्सव भव्य रुपमा मनाउने तयारी , चिकित्सक लगायत बिभिन्न बिधाका व्यक्तिहरुलाई सम्मान गरीने

       

    २०७३ बैशाख १८ ( शनिबार ) चितवन / मोफसलकै चर्चित लक्की मिडिया हाउस चितवनको गौरवमय दोस्रो बार्षिकोत्सव भव्य रुपमा मनाईने भएको छ । 

   "मिडिया लगायत सबै खाले कार्यक्रमको एउटै आधार" भन्ने मुल नाराका साथ अघि बढिरहेको लक्की मिडिया हाउसले आगामी कार्तिक २३ गते एक भव्य कार्यक्रमकाबीच बार्षिकोत्सव मनाईने लक्की मिडिया हाउसका प्रबन्ध निर्देशक हरी कार्की 'लक्की'ले जानकारी दिनुभयो । बार्षिकोत्सवका लागि अहिलेदेखि नै बिभिन्न सघसंस्थाहरुसँगको सहकार्यलाई तिब्र पारिएको कार्कीले बताउनुभयो । 

     

  बार्षिकोत्सवका अवसरमा बिभिन्न बिधाका ब्यक्तित्वहरुलाई सम्मान गरीने उहाँको भनाई छ । बार्षिकोत्सवका अवसरमा बिभिन्न क्षेत्रमा उल्लेखनिय एवंम् विशिष्ट योगदान दिनेहरुलाई मौफसलमै पहिलो पटक सम्मान गरीने उहाँको दाबी छ । वार्षिकोत्सव समारोहमा नायक, नायिका, निर्माता, हल सञ्चालक, व्यवसायी, पत्रकार, चलचित्र बितरक, समाजसेवी, चिकित्सक लगायत बिभिन्न क्षेत्रमा योगदान दिएकाहरुलाई बिशेष सम्मान गरीने प्रबन्ध निर्देशक कार्कीले बताउनुभयो । 

       मोफसलमा रहेर पनि सुचना, समाचार र मनोरञ्जनको क्षेत्रमा लक्की मिडिया हाउस अब्बल सावित छ । छोटो समयमै हरेक क्षेत्रमा लोकप्रिय बन्दै गएको लक्की मिडिया हाउसले चितवनमा बिभिन्न कार्यक्रमहरुको आयोजना समेत गर्दै आएको सो मिडिया हाउसले एकल साँझ, बिभिन्न सांगीतक कार्यक्रम, नेपाली फिल्मको विशेष सो गरिरहेको प्रवन्ध निर्देशक “लक्की“ बताउनुहुन्छ ।

         स्थानीय देखि राष्ट्रिय स्तरका सबै मिडियामा सेवाप्रदान गर्दै आएको लक्की मिडिया हाउसले बिभिन्न कार्यक्रमहरुको पत्रकार सम्मेलनसँगै व्यवस्थापन पनि गर्दै आएको छ । नेपाली सिनेमा बजारको प्रचार र यस क्षेत्रको प्रवद्धनको लागि निरन्तर लक्की मिडिया हाउस चितवनले विभिन्न नेपाली चलचित्रहरु कलाकारहरुको साथमा विशेष शो गर्दै आएको छ ।

• पाठक हेल्थ खबर -स्वास्थ्य सम्बन्धी सम्पूर्ण खबर ( A single CLICK for a complete solution )