२०७३ जेष्ठ ३१ ( सोमबार ) चितवन / चितवन खबर राष्ट्रिय अर्धसाप्ताहिक पत्रिकाको स्तम्भ संयोजक प्रमुख जय पाठक (जे.पी) बन्नु भएको छ । पत्रिका पाचौं वर्ष पूरा गरी छैठौं वर्ष प्रवेश सँगै स्थापना काल देखिनै निकै सक्रिय रुपमा पत्रिकामा कार्यरत पाठक स्तम्भ संयोजक प्रमुख बन्नु भयको हो ।
पाठकको जन्मदिनको विशेष अवसरपारी पत्रिकाले एक कार्यक्रमको बिच आईतबार सो जिम्मेवारी दिएको हो । पत्रकारिताको माध्यमबाट सशक्त रुपमा कलम चलाउदै आउनु भएको उहाँको कार्य दक्षता, लगनशिलता र मेहनतको उच्च कदर गर्दै प्रमुखको जिम्मेवारी दिएको पत्रिकाका प्रकाशक हरि कार्कीले बताउनुभयो ।
स्तम्भ संयोजक प्रमुख बनेसँगै आफूले ठूलो जिम्मेवारी महसुस गर्नुको साथै अझैं सशक्त भएर पत्रिकारितामा लाग्न प्रेरणा मिलेको पाठकले बताउनुभयो । सबैको माया, प्रेम, सहयोगकै कारण आफू यो स्थानसम्म आइपुगेको भन्दै आगामी दिनहरुमा पनि यस्तै सहयोग साथ, सल्लाहा सुझावको समेत उहाँले अपेक्क्षा गर्नुभयो । विभिन्न संघ / संस्थामा कार्यरत हुनुको साथै आफ्नो उच्च शिक्षालाई समेत संगसंगै अघि बढाइ रहनुभएको निकै व्यस्त पाठक सबैसँग मिलनसार स्वभावको हुनुहुन्छ ।
डाक्टरसँग चितवन खबर, स्वास्थ्य सरोकार, मेरो प्रश्न विशेषज्ञको जबाफ, भ्वाइस् अफ दि फर्मासिष्ट, जनताको सरोकार मेरो बिचार लगायतको थुप्रै स्तम्भहरु पाठकले सञ्चालन गर्दै आउनुभयको छ ।
- पाठक हेल्थ खबर -स्वास्थ्य सम्बन्धी सम्पूर्ण खबर ( A single CLICK for a complete solution )
No comments:
Post a Comment