सधै जवान देखिन के गर्ने - के नगर्ने ।

सुन्दर र जवान हुने चाहना कसलाईपो हुँदैनर । यसका लागि महिलाले विभिन्न उपाय अपनाउने भएपनि पुरुष भने लजाउने गर्छन् । आफ्नो जीवनशैलीलाई अलिकति मात्र परिवर्तन गर्न सकियो भने जवान र सुन्दर देखिन सकिन्छ । जुन अपनाउँदा न लाज हुन्छ न त साइड इफेक्ट नै । 

-दैनिक सेभिङ नगर्ने

धेरै पुरुषलाई सफाचट् हुने रहर हुन्छ । दाह्री नभएपछि जवान र सुन्दर देखिन्छ भन्ने भ्रम छ । तर, दैनिक सफाचट् हुने बानीले  फाइदा गर्दैन । बरु दैनिक सेभिङका कारण छालामा पत्र बस्न जान्छ र झन् कुरुप र बुढो देखिन्छ । 

-मस्चराइज गर्नुहोस्

मस्चराइजले छालालाई सुख्खा हुनबाट जोगाउँछ । सुख्खा छालाले सबै पुरुषलाई वास्तविक उमेर भन्दा बुढो देखाउँँछ । मस्चराइजिङले छालामा रिंकल बस्नबाट पनि जोँ । यसकारण आफ्नो अनुहार सधैँ सफा गरेर मस्चराइज गर्नुपर्छ । यदि धेरै तैलीय छाला छ भने सोप–फ्री क्लिजरको प्रयोग गर्दा राम्रो हुन्छ । 

-क्लिजिङ गर्नुहोस्

आफ्नो दैनिकीमा क्लिजिङ मात्रै थप्ने हो भने पनि अनुहारमा चमक ल्याउन समय लाग्दैन । प्रतिदिन दुईपल्ट क्लिजिङ मात्रै गर्ने हो भने छालामा जमेको धुलो र फोहोर हटाएर स्वस्थ बनाउँछ । यो सेभिङ  गर्नुभन्दा पहिले गर्दा राम्रो हुन्छ । जसले सेभिङमा अप्ठ्यारो नपारेर छाला बिगार्न दिँदैन ।

-सधैँ सनस्क्रिन लगाउँर्नुहोस्

पुरुषहरु सुन्दरतामा ध्यान दिन्छन् तर मुख्य कुरामा वास्ता गर्दैनन् । घरबाट निस्किनुअघि सनस्क्रिन सबैका लागि जरुरी हुन्छ । घामले महिला वा पुरुष नछुट्याउने भएकाले जवान र सुन्दर देखिन रहर गर्नेले सनस्क्रिन लगाउन भुल्न हुँदैन । 

-आँखाको हेरचाह गर्नुहोस्

धेरैले एउटै गल्ती गर्छन्, त्यो हो सुन्दरताका लागि अनुहारको छालामा गोरोपन  ल्याउनुपर्छ । तर, कसैले पनि सबैभन्दा चाँडो ठोक्किन जाने आँखाको वास्ता गर्दैनन् । आँखाको हेरचाह गर्दा जवान देखिने मात्रा अझै बढ्छ । किनभने आँखाको वरिपरि आउने चाउरीपनाले उमेर समेत बढी देखाउँछ । पानी र तनावका कारण आँखा वरिपरि यस्तो हुन जान्छ । जसलाई नियमित रुपमा ख्याल गर्न सके राम्रो हुन्छ । 

-अनुहारको सरसफाइ गर्नुहोस्

बिहान उठ्नेबित्तिकै अनुहारमा पानी लगाएपछि दिनभर वास्ता नगर्ने धेरैको बानी हुन्छ । तर, अनुहारमा उज्यालो ल्याउनु छ भने कम्तिमा चारपल्ट अनुहारको सरसफाइ जरुरी छ । अझ तैलीय छाला भएमा त सफाइको मात्रा बढाउन जरुरी छ । 

-दाँतको ख्याल गर्नुहोस्

अरुको आँखामा चाँडै पर्नेमध्य दाँत अग्रपंतिमा आउँछ । आँखा जुधेपछि त्यो नजर दाँतमा ठोकिन्छ । त्यसैले दाँतको ख्याल गर्ने र सरफाइ गर्ने कुरामा कहिल्यै पछि पर्नुहुँदैन । 

-एजेन्सी