चितवन । यात्रा ग्रुप चितवन र श्री पुष्पाञ्जली हस्पिटल प्रालिले भरतपुर ११ स्थित सहाराको घरलाई स्वास्थ्य सामग्री सहयोग गरेको छ ।
विश्वव्यापी महामारीको रुपमा फैलिएको कोरोना कहरकाबीच स्वास्थ्यका सबै मापदण्ड अपनाएर साहाराको घरमा आवश्यक पर्ने स्वास्थ्य सामग्री तथा औषधि सहयोग गरिएको ग्रुपका अध्यक्ष कृष्ण कार्कीले जानकारी दिए ।
मंगलबार एक कार्यक्रमका बीच ग्रुपका अध्यक्ष कार्की र श्री पुष्पाञ्जली हस्पिटल प्रालिका प्राविधिक अधिकृत प्रवीण खनालले संयुक्त रूपमा साहाराको घरकी अध्यक्ष स्वस्तिका तिवारीलाई सो सामग्री हस्तान्तरण गरिएका छन् ।
कोरोना महामारीले निम्त्याएको यो संकटको बेला गरिएको सहयोगका लागि सहयोगी दातालाई अध्यक्ष तिवारीले धन्यवाद व्यक्त गरिन्। उनले यस्ता संस्थाहरुलाई सबैले सहयोग गर्न समेत अनुरोध गरिन् ।
ग्रुपका अध्यक्ष कृष्ण कार्कीले यो विषम परिस्थितिमा युवाहरूलाई आ–आफ्नो क्षेत्रबाट सामाजिक सेवामा लाग्न अनुरोध गरे । ग्रुपको सामाजिक उत्तरदायित्व अन्तर्गत सो सहयोग गरिएको उनले बताए । उनले आगामी दिनमा पनि यस्ता कार्यक्रमहरुलाई निरन्तरता दिइने जनाए ।
सो कार्यक्रममा श्री पुष्पाञ्जली हस्पिटल प्रालिले समेत सहयोग गरेको थियो । सहाराको घर भरतपुरमा १८ जना बेसहारा बालिकाहरू रहेका छन् ।
सामाजिक क्षेत्रमा समेत निकै सक्रिय यात्रा ग्रुप भरतपुरका युवाहरुको एक समुह हो । यस ग्रुपले यसअघि पनि विभिन्न सामाजिक कार्यहरु गर्दै आएको छ ।
यसअघि यात्रा ग्रुप भरतपुरले गरेका सामाजिक कार्यहरु यहाँ हेर्नुहोस्:
आमाको माया छात्रावासलाई यात्रा ग्रुप भरतपुरको खाद्यान्न सहयोग
यात्रा ग्रुपको बार्षिकोत्सवमा सहाराका बालिकालाई खाना
भरतपुर अस्पताल सरसफाइमा यात्रा ग्रुप
देवचुलीमा यात्रा ग्रुपको निःशुल्क दन्त शिविर
यात्रा ग्रुपको आयोजनामा कोरोनाबारे सचेतना कार्यक्रम
- पाठक हेल्थ खबर -स्वास्थ्य सम्बन्धी सम्पूर्ण खबर ( A single CLICK for a complete solution )
No comments:
Post a Comment