२०७३ माघ २५ ( मंगलवार ) काठमाडौं / ‘गुणस्तरीयताबाट आत्मर्निभरता तर्फ’ भन्ने नाराका साथ आगामी फागुनमा तीन दिने फर्मा एक्स्पो (औषधि मेला) हुने भएको छ। नेपाली औषधी उत्पादक कम्पनीहरुको छाता संस्था नेपाल औषधी उत्पादक संघ ( एपोन ) ले एक्स्पो सम्पूर्ण तयारी पुरा गरेको जनाएको छ । संघका अध्यक्ष शंकर घिमिरेले आगामी फागुन २०, २१ र २२ गते एक्स्पो गर्न लागिएको एक्स्पोका बारेमा जानकारी दिन सामेबार आयोजित कार्यक्रममा जानकारी दिए ।
नेपाल फर्मा एक्स्पो २०१७ को सुचना
" सहभागी बनौ सफल पारौं " - नेपाल फर्मा एक्स्पो २०१७ ।
संघले सन् २००५ मा पहिलो पटक फर्मा एक्स्पो गरेको थियो । त्यसयता हरेक दुई
वर्षमा एक्स्पोको आयोजना गर्दै आइरहेको छ । गत वर्ष भूकम्प र नाकाबन्दीका
कारण एक्स्पो हुन पाएको थिएन् ।
नेपाल औषधी उत्पादक संघका महासचिव तथा एक्स्पोका संयोजक दिपक प्रधानले प्रदर्शनीबाट अन्तर्राष्ट्रिय उद्योग, उपकरण, प्रविधि, उत्पादन र बजार व्यवस्थापन बुझ्ने अवसर प्राप्त हुने बताए । उनका अनुसार प्रदर्शनीमा फर्मा प्रोसेसिङ, उत्पादन मेसिन, उपकरण, प्याकेजिङ मेसिन, फाइन केमिकल, बल्क ड्रग, वातावरण नियन्त्रण उपकरण, प्रयोगशाला उपकरणलगायत रहनेछन् । आयोजकका अनुसार एक्स्पोमा नेपाली, भारतिय, जर्मन, चाइनिज र जापानिज कम्पनीका स्टलहरु रहने छन् ।
एक्स्पोको औषधि व्यवस्था विभाग, नेपाल उद्योग वाणिज्य महासंघ, नेपाल उद्योग परिसंघ, नेपाल औषधि व्यवसायी संघ, नेपाल फर्मास्युटिकल एसोसिएसन, ग्रयाजुएट फर्मासिष्ट एसोसिएसन तथा नेपाल केमिकल एन्ड मेडिकल सप्लायर्स एसोसिएसन सह आयोजक हुन् ।
- पाठक हेल्थ खबर -स्वास्थ्य सम्बन्धी सम्पूर्ण खबर ( A single CLICK for a complete solution )
No comments:
Post a Comment